O C.D. Portosín senior quere pechar esta semana a fichaxe do novo adestrador

O Portosín de categoría senior masculino, confía en que a finais desta semana, comezos da seguinte, o asunto do adestrador estea totalmente pechado. O comezo da tempada así llo esixe a un conxunto que necesita rodaxe para que todos os seus xogadores collan ritmo e se coñezan futbolisticamente falando, xa que moitos deles, non xogaron xuntos.

Hai un adestrador con preferenza, pero a súa resposta non se coñecera ata esta semana, pero en caso de que a súa resposta sexa negativa, o conxunto de Trapa baralla outras opcións para ocupar o banquillo durante a vindeira tempada.

O resto dos adestradores, se non hai sorpresas, serán os seguintes: Carlos Lorenzo farase cargo do conxunto alevín e senior feminino, Juan Ramón Montero do benxamín e Jose María Santiago dos veteranos.