Comunicado do C.D. Portosín en relación ao acontecido co Porto do Son

O Club Deportivo Portosín rexeita toda clase de comportamentos, comentarios e situacións dedicadas a desprestixiar a clubs que sempre se rexiron polo seu bo comportamento e polas gañas de participar en todos cantos trofeos fosen invitados.

Dende o noso club rexeitamos e reprobamos a actitude da directiva do Porto do Son facendoa responsable do acaecido este sábado ao non presentar ao seu equipo benxamín a desputar a final.

Opinamos que un club é grande polos seus comportamentos, e que a pesar de ser o club que estea en maior categoría co seu equipo senior, o Porto do Son amosou con estes actos non atoparse á altura de dous equipos que foron xogar a pesar de todo.

Lamentamos que se dubide do resultado do partido do campo de Prado no que gañou o Portosín ao Nebra, sabendo que ningún dos equipos quería perder o partido.

Queremos agradecer ao Nebra o seu comportamento totalmente deportivo e exemplar durante toda a competición, e especialmente na final onde a festa foi dos rapaces e onde ambas directivas estiveron moi orgullosas do comportamento dos seus equipos e do comportamento exemplar do rival, así como lamentaron o ocorrido co suposto "equipo do concello", que tamen reprobaron os pais dos rapaces alí congregados.

A directiva do Club Deportivo Portosín.