Dúas victorias e unha derrota esta fin de semana

Esta fin de semana xogabanse catro partidos dentro das disciplinas do C.D. Portosín, pero ao final só se desputaron tres.

O sábado pola mañá o conxunto alevín derrotou ao Carreira B en Trapa por un contundente 7-0, ainda que esta goleada na derradeira xornada de liga de pouco lles serve dado que xa non tiñan opcións matemáticas de colarse na loita pola fase final. O Portosín amosou o fútbol que o levou a ser campión de inverno e que perdeu durante a segunda volta, para rematar en quinto lugar a liga regular.

Pola tarde, o conxunto veterano, non chegou a desputar o seu partido, ao presentarse o seu rival con só seis xogadores no campo de Trapa.

Dentro da xornada electoral do domingo, o conxunto feminino visitaba ao Dubra, ás 12 horas, e colleitaron unha dolorosa derrota por 10-0, ante un rival que loita por rematar entre os 4 primeiros.

O derradeiro partido desputouse na tarde de onte, e o noso conxunto impúxose ao Baroña por 4-1, nun partido marcado pola incomparecencia arbitral e que fixo que un aficcionado se convertise en colexiado do encontro. O C.D. Portosín chegou ao descanso co marcador 3-0 e na segunda metade acadou o cuarto ao pouco tempo de comezar, e o Baroña mediada a segunda metade marcou o gol da honra.

A vindeira semana os partidos son os seguintes:

Sábado : Atl. Melide - Sograni Portosín (Veteranos, 16.30 h.)
Domingo: C.D. Portosín - Boiro (Feminino, 12.00 h.)
Olveira - C.D. Portosín (3ª Aut., 16.30 h.)