Inxunsta derrota en Cures

O noso equipo caeu derrotado o domingo no campo do Cures, nun partido no que foi claro dominador e claro prexudicado, xa que 3 dos seus xogadores sairon tocados do partido ante un rival especialmente duro nun partido no que non se xogaba nada.

O partido comezou co dominio dos portosinenses e sen chegadas claras para ningún dos dous equipos a pesar de que o conxunto visitante dominaba o centro do campo claramente. O partido tivo a súa primeira ocasión no minuto 40 cando Maneiro errou un man a man ante o porteiro do Cures. No minuto 45 a xogada máis indignante do partido, cando o colexiado do encontro obviou unha agresión dun xogador do conxunto local a Richard dentro da área. Froito desa xogada, o xogador portosinense tivo que ser substituido cunha brecha na cella, polo que foi trasladado ao centro de Saúde.

Logo de atender ao xogador, o colexiado dixo que tiña rematada a primeira metade, e nun despiste, o Cures marcou no minuto 50.

Na segunda metade máis do mesmo, dominio do Portosín, con dous mans a mans fallados, e nunha contra o Cures fixo o 2-0.

A vindeira semana ás 17 horas C.D. Portosín - Unión B.